Консультативтік пунктінің жұмыс жоспары мен жұмыс кестесі бекітілді.

2025 жылдың қыркүйек айында 4 отбасы арналған    консультативтік пункт қызметіне жүгінді.

Консультативтік пунктінің жұмыс жоспарына сәйкес:

• Қыркүйек айында бөбекжай әдіскерлері Баймуханова Ж.К., Орунбай И.И. «Ерте жастағы балаларды МДҰ жағдайларына бейімдеу» тақырыбында кеңес берді.

Ерте жастағы балаларды мектепке дейінгі ұйымға бейімдеу – баланың эмоциялық жағдайына, тұлғалық дамуына және әлеуметтенуіне тікелей әсер ететін маңызды кезең. Жаңа орта, жаңа адамдар, жаңа талаптар бала үшін стресс көзі болып табылатындықтан, бейімделу процесін педагогтар мен ата- аналар бірлесе жұмсақ әрі тиімді жүргізуі қажет.

Осы мақсатта қыркүйек айында ата – аналарға психологиялық – педагогикалық көмек көрсету, балалардың жеке даму ерекшеліктерін анықтап, МДҰ жағдайларына оңтайлы бейімделуін қамтамасыз ету бағытында жүйелі жұмыстар атқарды.

Міндеттер:

• Балалардың психологиялық дайындығын анықтау және қолдау;
• Ата – аналарды бейімделу кезеңінің ерекшеліктерімен таныстыру;
• МДҰ-да балаға жайлы орта қалыптастыру;
• Бейімделу қиындықтарын түзету бойынша практикалық ұсыныстар беру;
• Тәрбиешілер, психолог және    ата   –    аналар   арасындағы   өзара әрекеттестікті күшейту.

Ата – аналармен жүргізілген жұмыстар:

• Психологиялық диагностика және бақылау.

Бейімделу    кезеңінің    басында    балалардың    даму   деңгейі,    эмоциялық тұрақтылығы, мінез-құлық реакциялары анықталды.

Психолог тарапынан келесі әдістер қолданылды:

• эмоционалдық жағдайды анықтау картасы;
• баланың жаңа ортаға реакциясын бақылау;

Диагностикалық нәтижелер бойынша балалар шартты түрде:

• жоғары бейімделу,
• орташа бейімделу,
• төмен бейімделу топтарына бөлінді.

2.     Ата-аналармен жұмыс.

Ата – аналар консультативтік пункт жұмысының негізгі серіктестері болып табылады. Осы бағытта:

• Бейімделу кезеңіндегі күн режимін айтып, бейімделу сипаты неге байланысты туралы түсіндіру жұмыстары жүргізілді.
• «Баланы мектепке дейінгі мекемеге бейімдеу кезінде ата – аналарға қалай әрекет ету керек» кеңес берілді.

Ата-аналардың белсенді қатысуы бейімделу нәтижелеріне оң әсер етті.

3.     Балалармен түзету-дамыту жұмыстары.

Бейімделуді   жеңілдету   мақсатында   педагог-психолог   пен   тәрбиешілер бірлесіп:

• топқа біртіндеп кіргізу (“қысқа уақыттан толық күнге көшу” әдісі);
• эмоционалдық жайлылық қалыптастыру ойындары;
• топтық қарым-қатынас дағдыларын дамыту ойындары;
• моторикалық және сенсорлық дамытушы жаттығулар;
• бірге ән айту,   қимылды   ойындар,   шығармашылық   тапсырмалар ұйымдастырды.

Балалардың мінез – құлық динамикасы күнделікті бақылау күнделігіне жазылып отырды.

4.     Жұмыс нәтижелері.

Жүргізілген жұмыстардың нәтижесінде:

• Балалардың 80 – 90%-ы 2 – 3 апта ішінде топқа бейімделді;
• 10–15% балаларда ұзартылған бейімделу (4–5 апта) байқалды, оларға жеке бағдарлама әзірленді;
• Ата-аналардың МДҰ жұмысына   сенімі    артты,   тәрбиешілермен байланысы нығайды;
• Балалардың жылау, қорқыныш,   мазасыздық   деңгейі   айтарлықтай төмендеді;
• Күн тәртібіне (тамақтану, ұйқы, ойын, серуен) бейімделу жылдамдады; Коммуникативтік дағдылар: бір-бірімен сөйлесу, ойыншықтармен кезекпен ойнау, тәрбиешімен байланыс орнату жақсарды.

5.     Кездестірілген қиындықтар

• Кейбір балаларда ажырау қорқынышының ұзақ сақталуы;
• Ата-аналардың алаңдаушылығының балаға берілуі;
• Үйдегі және балабақшадағы күн тәртібінің сәйкес келмеуі;
• Бірқатар балалардың сөйлеу тілінің жеткіліксіз дамуы.

6.   Шешу жолдары және ұсыныстар

• Әр балаға жеке бейімдеу жоспарын құруды жалғастыру;
• Ата-аналармен психологиялық кеңес беруді күшейту;
• Үй жағдайында сақталатын бірдей режим бойынша ұсыныстар беру;
• Тәрбиешілерге кәсіби қолдау көрсету (тәжірибе алмасу, әдістемелік кеңестер);
• Балаға арналған “жайлы адаптация” бұрыштарын ұйымдастыру (тыныш аймақ, сенсорлық ойындар).

Консультативтік пункттің атқарған жұмыстары ерте жастағы балалардың МДҰ жағдайларына табысты бейімделуін қамтамасыз етті. Жүйелі диагностика, ата – аналармен тиімді серіктестік, түзету – дамыту жұмыстары бейімделу процесінің сапасын арттырды. Ата – аналардың педагогикалық мәдениеті жоғарылап, балалардың жаңа ортаға деген қызығушылығы мен сенімділігі күшейді.

Жалпы алғанда, консультативтік пункт жұмысы жылдық жоспарға сәйкес толық орындалды және өз нәтижесін берді.